Adie Frau Fasnacht

 

D'Fanacht isch wiä im Flug vergange
bin ig jetzt a dr Birs blibe hange.
So schnäll we si cho isch isch jetzt verbi
Isch's jetzt das mit Fasnacht scho würklich gsi.
Hei mer Glück ka mit em Wätter diä drei Däg,
schicke mir euses Schliffli jetzt uf e Wäg.
Mit ihm schicke mir viil schöne Erläbniss Birs durab,
aber au ei schlächti, und diä isch nit knapp.
Si doch drei Däg zum Fiire und Spiile do,
hei mir doch bi eusem Ändstreich e chalti Duschi becho.
Mit Wasser beschosse vom erschte Stock hei si eus,
das isch für mi o öbbis ganz ganz neus.
Fasnacht isch nid jedermans sach, das wei ig oo
cha mä doch aber, mol über sich stoo.
Das duet eus aber d'Erinerige nid nä wo ir hei gmacht,
hei mir a dere Fasnacht viil g'spiilt und no mehr glacht.
Mit Fründe hei mers luschtig ka und o öbbis trunke,
si gar mängisch, i schöni Augeblick versunke.
Was hei mer nid glacht und es o luschtig kaa,
e grossi Fasnachts Famileiä, das si mer JAA.
Wird ig das e Johr lang Vermisse es duet mi schmärze
trag ig euch doch alli, ganz fescht i mim Härze.
Danke Euch Birsgugger, für mi sid dir diä beschte,
freu mi gli, wieder mit euch chönne z'Feschte

Danke euche Birtinti




Birsgugger 2023